Dhoma e Tregtisë dhe Industrisë Durrës (CCIDR) vijon angazhimin e saj për të mbështetur zhvillimin dhe fuqizimin e sipërmarrësve lokalë. Falë pozicionit strategjik dhe historisë së saj si porti kryesor i Shqipërisë në Adriatik, Durrësi është shtëpia e një komuniteti të madh biznesesh të lidhura me turizmin dhe shërbimet.
Në kuadër të programit #EcosystemBuildersAlbania, CCIDR ka zhvilluar një program të ri trajnues me pesë module, i fokusuar në:
Marketingun digjital
Aftësitë e dixhitalizimit
Promovimin online të bizneseve lokale
Ky program synon të pajisë sipërmarrësit me mjete bashkëkohore për të rritur konkurrueshmërinë e tyre në treg, për të zgjeruar prezencën e tyre në platforma digjitale dhe për të përmirësuar qasjen ndaj klientëve.
Në videon e mëposhtme mund të ndiqni Episodin 5 të serisë Ecosystem Builders Albania, ku paraqitet puna e Dhomës sonë dhe ndikimi i këtij programi te komuniteti i biznesit në qytet.
Ky projekt financohet nga Ministria Federale e Bashkëpunimit Ekonomik dhe Zhvillimit (BMZ) dhe zbatohet nga GIZ Albania, në kuadër të programit ProSEED 2.0, dhe enpact e.V.
