PËRSHKRIMI I PUNËS
TITULLI I PUNËS: Inspektor përgjegjës për Financën
A. PËRGJEGJËSITË DHE DETYRAT
- Mbajtja korrekte e kontabilitetit të Dhomës nëpërmjet:
- Pasqyrimit të përditshëm në librat përkatës të veprimeve financiare të Dhomës
- Kontrollit të vazhdueshëm të zbatimit korrekt të tarifave dhe kontributeve të derdhura nga antarët e Dhomës
- Përpilimit të Bilancit vjetor të Dhomës, brenda datës 15 Mars të vitit pasardhës
- Hartimit të Buxhetit Parashikues të Dhomës për vitin pasardhës, brenda datës 15 Shtator të vitit në vijim
- Azhornimi i antarëve të Dhomës për ndryshimet në Paketën Fiskale nëpërmjet:
- Koordinimit dhe marrjes së informacioneve nga Drejtoria e Shërbimeve Tregtare pranë MF
- Përgatitjes për shpërndarje tek biznesi të informacioneve azhornuese (të paktën një herë në dy muaj)
- Interpetimit të çështjeve fiskale me artikuj në gazetën “T&I DURRËS” (të paktën dy për çdo numër) dhe web sitin e Dhomës
- Artikulimi i propozimeve të biznesit për çështjet fiskale nëpërmjet:
- Mbledhjes së propozimeve të biznesit dhe sqarimit të tyre në takime të veçanta për secilin sektor
- Artikulimit me shkrim të propozimeve për Paketën Fiskale për Biznesin e Vogël, në bashkëpunim me ekspertë të jashtëm, për t’ia paraqitur Pushtetit Vendor
- Artikulimit me shkrim të propozimeve për Paketën Fiskale për Biznesin e Madh, në bashkëpunim me ekspertë të jashtëm, për t’ia paraqitur Pushtetit Qendror
- Kontrolli i arkëtarit për mbajtjen korrekte të arkës së Dhomës sipas dokumentacionit përkatës, bazuar në Manualin e Dhomës 2006
- Pjesëmarrja në Projektet, në të cilat Dhoma është partnere, nëpërmjet:
- Njohjes me përmbajtjen e projektit dhe zbërthimit të tij në aktivitete, në konsultë me Kryetarin
- Pjesëmarrjes në planifikimin dhe organizimin e veprimtarive në kuadër të projektit
- Pjesëmarrjes në hartimin e raporteve në kuadër të projektit
- Roli në kuadër të projektit “iBLUE”
Aktivitetet do të fokusohen në paketat e punës WP1; WP2; WP5 dhe në detaje do të jenë:
- Njohja e plotë e projektit me anë të studimit vetiak dhe trajnimit
- Njohja e Planit të Komunikimit dhe zbatimi të tij për WP5
- Njohja e Planit Operativ për Transferimin e Veprimeve të ndryshme dhe bashkëpunimi me Koordinatorin e projektit për drejtimin e stafit në zbatimin e tij
- Përgatitja e raporteve financiare, në bashkëpunim me Koordinatorin e projektit, për t’u dorëzuar në FLC si dhe për t’u hedhur në platformën Synergie
- Kryen çdo detyrë tjetër të ngarkuar nga Kryetari
B. KËRKESA CILËSORE
- Të jetë i gatshëm të punojë në mënyrë të përshpejtuar dhe të arrijë të kryejë disa detyra njëherësh.
- Të ketë aftësi krijuese dhe gjykim të shëndoshë dhe të pavarur
- Të jetë fleksibël dhe komunikues me të tjerët.
C. KUALIFIKIMET MINIMALE
- I diplomuar me arsim të lartë, me preferencë në degën Financë-Kontabilitet
- Tre vjet eksperiencë pune në pozicione të ngjashme
D. NJOHURITË KOMPJUTERIKE
- Shkrim e përpunim teksti (Word)
- Internet Explorer
- Përpunim të dhënash e llogaritjesh (Excel, Access)
- Prezantim programesh (Power Point)
E. ZOTËRIMI I GJUHËVE TË HUAJA
- Gjuha angleze – nivel i lartë në shkrim dhe komunikim
- Gjuha italiane – nivel i lartë në komunikim dhe shkrim
Personat e interesuar të paraqiten pranë Zyrave të Dhomës bashkë me Cv-në e tyre, brenda datës 25 Shtator 2017.
Kryetari
Andrea Xhavara
