Dhoma e Tregtisë dhe Industrisë Durrës synon të kontraktojë një arkitekt për të krijuar dhe specifikuar mobiljet e nevojshme për zyrat e saj, sipas detajeve të mëposhtme:
| Objekti | Njesia | Sasia |
| Tavolina për specialiste | cope | 5 |
| Rafte Zyre të përbashkëta | cope | 6 |
| Tavolinë mbledhje për 10 veta | cope | 1 |
| Tavolina për Zyren e drejtuesit | cope | 1 |
| Rafte Zyre për drejtuesit | cope | 1 |
| Karrige Stafi | cope | 5 |
| Karrige për tavolinë mbledhje | cope | 8 |
| Karrige Drejtuesi | cope | 1 |
Arkitekti do të ketë detyrat e mëposhtme:
a. Dezenjimi i mobiljeve për zyra duke përfshirë detajet teknike dhe estetike.
b. Specifikimi i materialeve të përdorura për secilën mobilje, duke përfshirë cilësinë, ngjyrën, dhe karakteristikat e tjera teknike.
c. Përcaktimi i volumet të nevojshme për çdo tip mobiljeje për të përputhur me hapësirën dhe funksionin e zyrave.
d. Hartimi i një preventivi të detajuar për kostot e përbashkëta dhe të individëve për të gjitha mobiljet e projektit.
Arkitekti duhet të plotësojë këto kritere:
- Përvojë specifike në dizajnim të interioreve: Preferohet që arkitekti të ketë një portofol të pasur të projekteve të realizuara në fushën e dizajnit të interioreve zyrtare ose të bizneseve, duke përfshirë dizajnimi i mobiljeve të personalizuara për nevojat e klientëve.
- Aftësi për të hartuar specifikime teknike dhe materiale: Arkitekti duhet të jetë në gjendje të hartojë specifikime të qarta dhe të detajuara për materiale, përfshirë cilësinë, ngjyrën, dimensionet dhe karakteristikat teknike të mobiljeve.
- Aftësi për të përcaktuar volumet dhe organizimin e hapësirës: Njohuria e arkitektit në organizimin e efektiv të hapësirës zyre dhe përcaktimi i volumet e nevojshme për mobiljet e specifikuara në listën e dhënë.
- Aftësi për të hartuar dhe menaxhuar buxhetin: Njohuria e arkitektit në hartimin e preventivit të detajuar për projektin dhe menaxhimin e buxhetit të projektit për të siguruar që kostot janë në përputhje me buxhetin e caktuar nga Dhomës së Tregtisë dhe Industrisë Durrës.
- Reputacion dhe referenca të mira: Referenca të mira dhe rekomandime nga projekte të mëparshme të realizuara në fushën e dizajnit arkitektural dhe të interioreve zyrtare.
Personat e interesuar duhet të paraqesin brenda datës 08.08.2024 dokumentat e mëposhtëm:
- Ofertën.
- CV e aktualizuar: CV-ja duhet të përmbajë informacion të plotë në lidhje me përvojën e punës, shkollimin, trajnimet e mëparshme dhe çertifikimet në fushën e arkitekturës, duke përfshirë veçanërisht përvojën në dizajnimin e interioreve zyrtare.
- Certifikime dhe licensa: Çertifikimet dhe licensat profesionale në arkitekturë dhe dizajn, të cilat tregojnë për përputhshmërinë e kandidatit me standardet profesionale dhe legjislacionin vendas në fushën e dizajnit dhe sigurisë së konstruksionit.
- Referenca dhe rekomandime (nëse është e mundur): Letra e rekomandimit nga klientë të mëparshëm, arkitektë të tjerë, ose punëdhënës të cilat tregojnë për aftësitë dhe cilësitë profesionale të kandidatit në fushën e dizajnit arkitektural dhe specifikimeve të materialeve.
Ju lutem dokumentacioni të dërgohet me email tek adresa jonë artan.luku@ccidr.al, ose dorazi pranë Zyrave tona në adresën: Lagjja 11, Rruga Aleksandër Goga, Pallati Borova, Durrës.
