Kushtet që duhet të plotësojnë antarët e Dhomës për tu pajisur me “Vizë dy vjeçare Shengen ” në Ambasadën Italiane, sipas shkresës së Drejtorisë së Përgjithshme të Shërbimeve Tregtare , në Ministrinë e Ekonomisë, nr.7984 prot. datë 02.11.2006, janë:
- Kopje e noterizuar e Licensës së ushtrimit të veprimtarisë si person i tatueshëm dhe NIPT-i.
- Vërtetim nga dega e Tatim – Taksave në rreth
- Për shlyerjen e detyrimeve tatimore të subjektit dhe
- Mbi kapitalin qarkullues të realizuar nga subjekti deri në momentin e aplikimit
- Vërtetim nga Dega e Doganave në rreth për shlyerjen e detyrimeve doganore të subjektit , deri në momentin e aplikimit
- Vërtetim nga dega e Sigurimeve Shoqërore në rreth, për shlyerjen e kontributeve të sigurimeve të subjektit, deri në momentin e aplikimit
- Kopje e dokumentave tregtare ( faturime, çdoganime, kontrata etj.) që vërtetojnë shkallën e aktivitetit të subjektit.
- CV të aplikantit dhe pozicioni që mbulon në subjekt.
Kërkesa për vizat 2 – vjeçare Shengen do të pranohen në një numër prej 2-3 vetësh për subjekt.
Në momentin e paraqitjes në Ambasaden Italiane aplikanti duhet të ketë me vete keto dokumente :
- Aktin e Themelimit
- Statutin
- Vendimin e Gjykatës
- NIPT-in
Si dhe duhet te jetë i gatshëm të plotësojë kërkesat që do t’i paraqiten nga Zyra Konsullore e Ambasadës Italiane. Plotësimi i këtyre dokumentave , sipas përfaqesuesve të Ambasadës Italiane, lehtëson marrjen e vizave afatgjatë për punonjësit e tjerë te kompanisë. Gjithashtu aplikanti, në kërkesën e dytë për vizë dy vjeçare Shengen, duhet të vërtetojë përdorimin efikas të vizës së parë dy vjeçare.
Shënim: Kërkesat për vizë dy vjeçare Shengen dorëzohen në Dhomën e Tregtisë dhe Industrisë të Qarkut Durrës
Nota verbale
Eshtë një Shërbim, që ofrohet vetëm për antarët e Dhomës, kundrejt kërkesës së vetë administratorit të subjektit.
Përfaqësohet nga një dokument zyrtar i Dhomës, i cili prodhohet në dy kopje të njëjta dhe të firmosura nga titullari i Dhomës. Kopja e dytë, e firmosur edhe nga juristi i Dhomës, së bashku me format-kërkesën e subjektit, regjistrohen dhe protokollohen.
Është Letër me vlerë, e paisur me numër serial progresiv, tarifa e së cilës caktohet nga Kryesia e Dhomës. Lëvrohet vetëm pas dorëzimit nga subjekti të dokumentacionit dhe parapagimit të Tarifës. Dokumentat e kërkuara janë:
- kërkesa e subjektit
- kontrata e punës për punëmarrësin
- ftesa origjinale
Lëshohet pas dorëzimit të dokumentacionit të kërkuar, sa më shpejt të jetë e mundur.
