Aktivitetet dhe angazhimet e Dhomës së Tregtisë dhe Industrisë Durrës në kuadër të Enterprise Europe Network (EEN) Albania janë pjesë e edicionit më të fundit të Newsletter-it të rrjetit. 📌 Përmes EEN Albania, Dhoma mbështet bizneset në zhvillimin e tyre, inovacionin, ndërkombëtarizimin dhe krijimin e mundësive të reja për bashkëpunim. Në këtë edicion mund të njiheni me aktivitetet, iniciativat dhe mundësitë e ofruara për sipërmarrjet shqiptare, si dhe me angazhimet e partnerëve të rrjetit. 🔎 Lexoni Newsletter-in e fundit të EEN Albania dhe qëndroni të përditësuar me mundësitë për biznesin! #EENAlbania #EnterpriseEuropeNetwork #DHTIDurres #BusinessSupport #Entrepreneurship #Internationalisation #Innovation

Dhoma e Tregtisë dhe Industrisë Durrës, me datë 29 Korrik, zhvilloi një takim me përfaqësues të Dhomës së Zejeve Koblenz, Shkollës Profesionale “Beqir Çela” dhe ekspertë të angazhuar në vlerësimin e zbatimit të projekteve të deritanishme. Gjatë takimit u diskutua mbi rezultatet e bashkëpunimeve ekzistuese, mundësitë për zhvillimin e projekteve të reja dhe zgjerimin e partneriteteve ndërinstitucionale. Një vëmendje e veçantë iu kushtua sistemit dual të arsimit profesional, si një model që forcon lidhjen mes arsimit dhe tregut të punës, duke krijuar më shumë mundësi për të rinjtë dhe bizneset. Dhoma e Tregtisë dhe Industrisë Durrës mbetet e angazhuar në ndërtimin e partneriteteve të qëndrueshme që kontribuojnë në zhvillimin e arsimit profesional dhe rritjen e aftësive të fuqisë punëtore në përputhje me nevojat e ekonomisë. #DhomaETregtisëDurrës #Durrës #ArsimProfesional #SistemiDual #Bashkëpunim #Projekte #Partneritet #VET

Dhoma e Tregtisë dhe Industrisë Durrës është pjesë e aktiviteteve të zhvilluara në kuadër të projektit Zero C – National Convention for Zero Carbon in Maritime Transport and Logistics, i cili synon të promovojë ndërgjegjësimin dhe bashkëpunimin për një sektor detar dhe logjistik më të qëndrueshëm.     Në kuadër të projektit, janë zhvilluar aktivitete informuese dhe të disseminimit, me fokus në prezantimin e objektivave të projektit, shkëmbimin e informacionit dhe rritjen e ndërgjegjësimit mbi rëndësinë e tranzicionit drejt zgjidhjeve me emetime më të ulëta të karbonit. Përmes pjesëmarrjes në këto aktivitete, Dhoma e Tregtisë dhe Industrisë Durrës kontribuon në përhapjen e informacionit, nxitjen e dialogut dhe forcimin e bashkëpunimit ndërmjet komunitetit të biznesit dhe aktorëve të interesuar në sektorin e transportit dhe logjistikës. Aktivitetet e projektit Zero C krijojnë mundësi për shkëmbimin e përvojave dhe ideve, si dhe për të informuar bizneset dhe palët e interesuara mbi sfidat dhe mundësitë që lidhen me zhvillimin e një transporti detar më të gjelbër dhe më të qëndrueshëm.

Dhoma e Tregtisë dhe Industrisë Durrës mori pjesë në Konferencën Përmbyllëse të projektit GreenWB, e zhvilluar në Pejë, Kosovë, me pjesëmarrjen e partnerëve nga Shqipëria, Kosova, Finlanda dhe Austria. Konferenca shënoi përmbylljen e një bashkëpunimi të suksesshëm në kuadër të programit Erasmus+, duke prezantuar arritjet e projektit, rezultatet e Sustainable Living Labs dhe ndikimin e tyre në nxitjen e sipërmarrjes së gjelbër, inovacionit dhe bashkëpunimit ndërmjet universiteteve dhe biznesit në Ballkanin Perëndimor. Si partner i projektit, Dhoma e Tregtisë dhe Industrisë Durrës mbetet e angazhuar për të mbështetur iniciativat që forcojnë lidhjen mes akademisë dhe sektorit privat, duke kontribuar në zhvillimin e një ekosistemi më të qëndrueshëm dhe inovativ për sipërmarrjen. Falënderojmë të gjithë partnerët për bashkëpunimin dhe kontributin gjatë gjithë zbatimit të projektit. #GreenWB #ErasmusPlus #FinalConference #GreenInnovation #UniversityBusinessCooperation #SustainableLivingLabs #CCIDurrës #InternationalCooperation

Takim informues me Drejtorinë e Përgjithshme të Doganave me dt.2 qershor 2026, Dhoma e Tregtisë dhe Industrisë Durrës zhvilloi një takim të rëndësishëm informues në bashkëpunim me Drejtorinë e Përgjithshme të Doganave, me pjesëmarrjen e bizneseve anëtare dhe përfaqësuesve të administratës doganore.                   Gjatë takimit u diskutuan çështje me interes për komunitetin e biznesit, duke përfshirë statusin e Operatorit Ekonomik të Autorizuar (AEO), procedurat doganore, lehtësitë për operatorët ekonomikë, si dhe sfidat dhe problematikat e hasura në marrëdhëniet me administratën doganore. Falënderojmë Drejtorin e Përgjithshëm të Doganave dhe stafin e tij për gatishmërinë, transparencën dhe dialogun e hapur me biznesin. Gjithashtu, falënderojmë të gjithë anëtarët dhe përfaqësuesit e bizneseve që morën pjesë dhe kontribuan me pyetje, sugjerime dhe diskutime konstruktive. Dhoma e Tregtisë dhe Industrisë Durrës do të vijojë të jetë një urë lidhëse mes biznesit dhe institucioneve publike, duke promovuar dialogun dhe bashkëpunimin për një mjedis biznesi sa më të favorshëm.                    

Më 1 qershor 2026, në Crowne Plaza Durrës, u zhvillua një aktivitet informues dhe ndërgjegjësues në kuadër të projektit Zero C. Aktiviteti synoi të prezantojë objektivat e projektit dhe të rrisë ndërgjegjësimin mbi rëndësinë e dekarbonizimit të sektorit të transportit detar dhe logjistikës, si dhe mbi sfidat dhe mundësitë që tranzicioni drejt një ekonomie me emetime të ulëta të karbonit sjell për bizneset dhe aktorët e sektorit. Gjatë aktivitetit u prezantuan qëllimet dhe aktivitetet kryesore të projektit, duke u fokusuar veçanërisht në promovimin e dialogut dhe bashkëpunimit ndërmjet institucioneve, komunitetit të biznesit dhe aktorëve të tjerë të interesuar në sektorin detar dhe logjistik. Aktiviteti shërbeu gjithashtu si një mundësi për disseminimin e rezultateve dhe objektivave të projektit Zero C, duke kontribuar në informimin e palëve të interesuara dhe në nxitjen e diskutimit mbi zgjidhje më të qëndrueshme për transportin dhe logjistikën. Projekti Zero C synon të mbështesë ndërgjegjësimin, bashkëpunimin dhe shkëmbimin e njohurive për promovimin e një sektori detar dhe logjistik më të gjelbër dhe më të qëndrueshëm.

Inteligjenca Artificiale po transformon mënyrën si punojmë dhe bëjmë biznes! Dhoma e Tregtisë dhe Industrisë Durrës në bashkëpunim me Albacademy organizuan me sukses trajnimin “Përdorimi Praktik i AI në Punë dhe Biznes”, zhvilluar më 26 Maj 2026 në Grand Duka Hotel. Gjatë këtij takimi praktik, pjesëmarrësit u njohën me mënyra konkrete për përdorimin e Inteligjencës Artificiale në punë dhe biznes, duke u fokusuar në: ✔️ rritjen e produktivitetit ✔️ automatizimin e proceseve ✔️ marketing dhe komunikim më efikas ✔️ përdorimin praktik të AI në biznes dhe administratë 🙏 Falenderojmë të gjithë pjesëmarrësit për interesin dhe angazhimin! Ky trajnim ishte një hap i rëndësishëm drejt digjitalizimit dhe inovacionit në komunitetin e biznesit në Durrës. #AI #Biznes #Trajnim #Durres #ArtificialIntelligence #Digitalizim #Inovacion #Albacademy #DhomaETregtiseDurres #ccidr

Më 28 maj 2026, në Grand Duka, u zhvillua një aktivitet në kuadër të projektit Zero C. Aktiviteti shërbeu si një mundësi për të prezantuar projektin, objektivat dhe aktivitetet e tij, si dhe për të informuar pjesëmarrësit mbi rëndësinë e krijimit të një qasjeje të përbashkët për të ardhmen e qëndrueshme të transportit detar dhe logjistikës. Gjatë takimit u shkëmbyen ide dhe këndvështrime mbi zhvillimet e sektorit, nevojat e bizneseve dhe rëndësinë e përfshirjes së aktorëve të ndryshëm në proceset që lidhen me tranzicionin e gjelbër. Diskutimet ofruan gjithashtu një mundësi për të identifikuar interesa të përbashkëta dhe për të nxitur bashkëpunimin ndërmjet aktorëve të sektorit, duke kontribuar në krijimin e një rrjeti më të informuar dhe më të angazhuar rreth objektivave të projektit Zero C. Aktiviteti ishte pjesë e veprimtarive të disseminimit dhe komunikimit të projektit, duke kontribuar në rritjen e vizibilitetit të Zero C dhe në përhapjen e informacionit mbi objektivat e tij.