►Në bazë të: Ligjit Nr. 9640, datë 09.11.2006, “Për Dhomat e Tregtisë dhe Industrisë”, i ndryshuar, Udhëzimit të Ministrit të Zhvillimit Ekonomik, Turizmit, Tregtisë dhe Sipërmarrjes Nr. 2008, datë 12.03.2015 “Për zgjedhjet në Dhomat e Tregtisë dhe Industrisë dhe Bashkimin e Dhomave të Tregtisë dhe Industrisë”,  si dhe Vendimit nr.1 të Komisionit Zgjedhor të datës 15.06.2023, zgjedhjet e reja të Asamblesë së Dhomës do të zhvillohen të mërkurën, datë 21.06.2023, ora 09:00-17:00, pranë Zyrave të Dhomës ►Në zgjedhje do të marrin pjesë: Shoqëritë Tregtare, Ndërmarrjet Shtetërore dhe Personat Fizikë, të cilët kanë derdhur kontributin vjetor për vitin 2022, si dhe ato që do të regjistrohen për herë të parë në Dhomë deri me datë 15/06/2023. ►Votimi për Asamblenë e re (me 35 veta), do të bëhet në 4 (katër) seksione të ndara:  Ndërtim, Prodhim (industrial, bujqësor, peshkim), Tregti (me shumicë, me pakicë) dhe  Shërbime (Transport, Turizëm dhe gjithë shërbimet e tjera). ►Data 19 Qershor 2023, ora 12.30 është afati i fundit i dorëzimit të formularëve të plotësuar nga ana e kandidatëve për në Asamblenë e re. ► Mbledhja e Asamblesë së re për zgjedhjen e Kryetarit, Kryesisë së re, dy anëtarëve të Komisionit të Auditimit dhe e përfaqësuesve të Dhomës në Bashkimin e Dhomave do të zhvillohet të premten, datë 23.06.2023, ora 12:00, tek Hotel “Arvi” Shënim: Të interesuarit për […]

Takim informues me Drejtorinë e Përgjithshme të Doganave me dt.2 qershor 2026, Dhoma e Tregtisë dhe Industrisë Durrës zhvilloi një takim të rëndësishëm informues në bashkëpunim me Drejtorinë e Përgjithshme të Doganave, me pjesëmarrjen e bizneseve anëtare dhe përfaqësuesve të administratës doganore.                   Gjatë takimit u diskutuan çështje me interes për komunitetin e biznesit, duke përfshirë statusin e Operatorit Ekonomik të Autorizuar (AEO), procedurat doganore, lehtësitë për operatorët ekonomikë, si dhe sfidat dhe problematikat e hasura në marrëdhëniet me administratën doganore. Falënderojmë Drejtorin e Përgjithshëm të Doganave dhe stafin e tij për gatishmërinë, transparencën dhe dialogun e hapur me biznesin. Gjithashtu, falënderojmë të gjithë anëtarët dhe përfaqësuesit e bizneseve që morën pjesë dhe kontribuan me pyetje, sugjerime dhe diskutime konstruktive. Dhoma e Tregtisë dhe Industrisë Durrës do të vijojë të jetë një urë lidhëse mes biznesit dhe institucioneve publike, duke promovuar dialogun dhe bashkëpunimin për një mjedis biznesi sa më të favorshëm.                    

Inteligjenca Artificiale po transformon mënyrën si punojmë dhe bëjmë biznes! Dhoma e Tregtisë dhe Industrisë Durrës në bashkëpunim me Albacademy organizuan me sukses trajnimin “Përdorimi Praktik i AI në Punë dhe Biznes”, zhvilluar më 26 Maj 2026 në Grand Duka Hotel. Gjatë këtij takimi praktik, pjesëmarrësit u njohën me mënyra konkrete për përdorimin e Inteligjencës Artificiale në punë dhe biznes, duke u fokusuar në: ✔️ rritjen e produktivitetit ✔️ automatizimin e proceseve ✔️ marketing dhe komunikim më efikas ✔️ përdorimin praktik të AI në biznes dhe administratë 🙏 Falenderojmë të gjithë pjesëmarrësit për interesin dhe angazhimin! Ky trajnim ishte një hap i rëndësishëm drejt digjitalizimit dhe inovacionit në komunitetin e biznesit në Durrës. #AI #Biznes #Trajnim #Durres #ArtificialIntelligence #Digitalizim #Inovacion #Albacademy #DhomaETregtiseDurres #ccidr

Me datë 19 Maj patëm kënaqësinë të jemi pjesë e eventit ndërkombëtar “Incoming Mission 4 in Durrës”, organizuar në kuadër të projektit EDEN – Ecological Development through farming for enhancing the urban Environment, financuar nga programi Interreg IPA South Adriatic. Gjatë këtij takimi u ndanë eksperienca dhe praktika të mira mbi bujqësinë urbane, biodiversitetin dhe zhvillimin e qëndrueshëm, me pjesëmarrjen e partnerëve nga Shqipëria dhe Italia, institucioneve lokale e rajonale, organizatave të shoqërisë civile dhe trupës akademike. Në kuadër të sesioneve të diskutimit, përfaqësues të Dhomës së Tregtisë dhe Industrisë Durrës prezantuan projektin HEVON, si një praktikë e mirë e programit Interreg South Adriatic, duke kontribuar në shkëmbimin e ideve dhe forcimin e bashkëpunimit ndërinstitucional. Takime të tilla janë një hap i rëndësishëm drejt krijimit të një rrjeti bashkëpunues për promovimin e zhvillimit të qëndrueshëm dhe mbrojtjes së biodiversitetit në rajonin tonë. #DHTIDurrës #EDENProject #InterregIPASouthAdriatic #HEVON #Sustainability #Biodiversity #GreenDevelopment #Durres #Collaboration

Më datë 5 maj 2026, në ambientet e Grand Duka Hotel, Dhoma e Tregtisë dhe Industrisë Durrës, në bashkëpunim me Autoritetin Kombëtar të Ushqimit, organizoi takimin informues mbi sigurinë ushqimore. Takimi mblodhi përfaqësues të bizneseve vendase për të diskutuar mbi standardet dhe kërkesat e sigurisë ushqimore, si dhe detyrimet që duhet të zbatohen gjatë ushtrimit të aktivitetit, veçanërisht në prag të sezonit turistik. 🤝 Aktiviteti u zhvillua edhe në kuadër të mbështetjes së rrjetit EEN Albania, duke synuar rritjen e ndërgjegjësimit dhe përmirësimin e praktikave të bizneseve. Faleminderit të gjithë pjesëmarrësve për angazhimin dhe kontributin e tyre në garantimin e një sezoni turistik të sigurt dhe të suksesshëm! 🌊☀️ #SiguriaUshqimore #Durrës #Biznes #Turizëm #AKU #DhomaETregtise #EENAlbania  

Një aleancë ndërkufitare midis Italisë, Shqipërisë dhe Malit të Zi vendos rregulla të reja për cilësinë, qëndrueshmërinë dhe transparencën në sektorin e vajit të ullirit. Vaji i ullirit ekstra i virgjër nuk është më vetëm një element bazë i dietës mesdhetare. Sipas projektit HEVON, ai është një pasuri kulturore, një faktor shëndetësor dhe një levë strategjike për zhvillim të qëndrueshëm. HEVON – High-quality EVO oil Network of competitive MSMEs in the South Adriatic – bashkon aktorë nga Italia (Rajonet Puglia dhe Molise), Shqipëria dhe Mali i Zi me një qëllim të qartë: të forcojë konkurrueshmërinë e prodhuesve të vegjël dhe njëkohësisht të riformësojë mënyrën se si vaji i ullirit vlerësohet, komunikohet dhe përjetohet. Në qendër të kësaj transformimi qëndron Manifesti i HEVON, një angazhim i përbashkët i nënshkruar nga të gjithë partnerët e projektit, i cili përcakton një vizion të ri për gjithë ekosistemin e vajit të ullirit. Manifesti sjell një ndryshim tü madh nü münyrün e tü menduarit: vaji i ullirit nuk është thjesht një përbërës – ai është identitet, territor dhe mirëqenie në formë të lëngshme. Ky vizion sfidon industrinë dhe konsumatorët që të kalojnë përtej zgjedhjeve të bazuara vetëm në çmim dhe të përqafojnë një model të […]

Dhoma e Tregtisë dhe Industrisë Durrës shpall vend vakant për Asistent/e për Projekte. Ky pozicion është i përshtatshëm për profesionistë me përvojë, të cilët dëshirojnë të kontribuojnë në menaxhimin dhe zbatimin e projekteve kombëtare dhe ndërkombëtare, si dhe në koordinimin e aktiviteteve institucionale të Dhomës. Përgjegjësitë kryesore: • Asistencë në menaxhimin, koordinimin dhe mbikëqyrjen e projekteve të Dhomës. • Përgatitja e dokumenteve zyrtare, raporteve teknike dhe financiare sipas kërkesave të projekteve. • Ndjekja e afateve, aktiviteteve dhe deliverables në kuadër të projekteve. • Pjesëmarrje aktive në organizimin dhe realizimin e eventeve, trajnimeve, misioneve tregtare dhe aktiviteteve të tjera. • Komunikim dhe koordinim me partnerë vendas dhe ndërkombëtarë, institucione publike dhe biznese. • Mbështetje në çështje të protokollit institucional dhe organizimit të takimeve. Kualifikimet dhe kërkesat: • Diplomë universitare në Ekonomi, Menaxhim, Financë, Administrim Biznesi ose fusha të ngjashme. • Minimumi 3 vite eksperiencë pune (përparësi eksperienca në menaxhim ose asistencë projektesh me financim kombëtar ose ndërkombëtar). • Njohuri të mira të administrimit të projekteve dhe raportimit. • Aftësi shumë të mira organizative, komunikimi dhe pune në grup. • Njohuri shumë të mira të gjuhës angleze (kusht i domosdoshëm); njohja e italishtes përbën avantazh. • Aftësi të mira në përdorimin e […]

Dhoma e Tregtisë dhe Industrisë Durrës njofton hapjen e procedurës për shitjen e një mjeti të markës Toyota, sipas kushteve të mëposhtme: Detajet e mjetit: * Marka: Toyota * Modeli: Corolla * Viti i prodhimit: 2016 * Karburanti: Benzinë Procedura e aplikimit: Të interesuarit ftohen të paraqesin ofertat e tyre deri më datë 19.02.2026, pranë zyrës së Dhomës së Tregtisë dhe Industrisë Durrës, Adresa: Lagjja 11, Rruga “Aleksandër Goga”, Pallati Borova, Durrës, ose në adresën e emailit: neritan.golja@ccidr.al. Fitues do të shpallet subjekti që paraqet ofertën më të lartë financiare, mbi çmimin fillestar. Hapja dhe vlerësimi i ofertave do të bëhet nga një komision i ngritur posaçërisht nga Dhoma e Tregtisë dhe Industrisë Durrës.

Numri i parë i Gazetës së Projektit GITEKA Zbuloni më shumë rreth objektivave të projektit, aktiviteteve të partnerëve dhe përditësimeve kryesore nga fazat e para të zbatimit. 📖 Lexojeni këtu: https://giteka-project.com/newsletter/ #GITEKA #ProjectNewsletter #Innovation #Partnership #Sustainability #DhomaeTregtisëDurrës #ccidr Newsletter-1-1 Giteka